தோழிக்காக!
படைப்புகள் படிக்கப்பட்டன
படித்தவர்களால் பாராட்டவும்பட்டன
அத்தனை சிறப்புகளையும் பின்தள்ளியது
அன்புத் தோழியின் அங்கீகரிப்பு!
இடைவெளியற்ற வேலைப் பளுவும்
இயந்திரகதியான வாழ்க்கைச் சூழலும்
இடைப்பட்ட காலங்களில்
இடர்ப் படுத்தியது என் எழுத்துலகை!
இன்று நீ வந்தாய்-என்
இதய விளக்கில் எண்ணெய் ஊற்ற
உன் சிரிப்பென்ற தீக்குச்சியால்
என் மனதைப் பற்ற வைத்தாய்!
புதிய அத்தியாயம் துவங்குகிறேன்
பழைய தூசியைத் தட்டிவிட்டு
விருந்தோ மருந்தோ மூணுநாள் என
விடைபெற முடியாமல் திணறவேண்டும் நீ!!!
posted by தாணு @ 6:18 AM
7 comments
7 Comments:
ஆம். அவளின் கலகல சிரிப்பொலி கேட்டாலே கவலை மறந்து சந்தோஷப் பொறிபறக்கும். ஆனால் என்ன ஒண்ணு, ஆடிக்கொருநாள் அமாவாசைக்கொரு நாள்தான் அப்படி சிரிப்பாள்!!
உண்மையிலேயே நான் ஆச்சரிய பட்டேன் தானு ஒரு மருத்துவராக இருந்து கொண்டே தமிழ் மணத்துக்கும் நேரம் செலவிட முடிகிறதே என்று, அதற்காகவாவது ஓடோடி வந்து பின்னூட்டாமிட ஆசை.வாழ்க தமிழ்!
நல்ல கவிதை அய்யா.
ஜெயக்குமார்,
உண்மையிலேயே தமிழ்மணம்தான் தற்போதைக்கு என் வேலைப்பளுவிற்கிடையில் உள்ள சிறு ஆறுதல்
நல்ல வரிகள்!!!!
-Dev
புதுத்தோழி வாழ்க!
எங்களுக்கு புதுப்புதுகவிதை கிடைக்குமே!
நானும் எனது தோழிக்காக வித்தியாசமான பிறந்தநாள் வாழ்த்து "பிளாக்" மூலம் கூற நினைத்திருந்தேன் பலமாதம்
நினைவுகள் விழிக்கையில் காலம்
எனைத்தாண்டிவிட
காத்திக்கிறேன் அவள் அடுத்த
நாளுக்காக...
தாணு,
நானும் ஒரு தோழிக்காகவேதான் இந்த பதிவை ஏற்படுத்தியிருக்கிறேன்.
Post a Comment
<< Home