கருப்பு ஞாபகங்கள்

கடந்த வருடம் நடந்த
கசப்பான நிகழ்ச்சிகள்..

கணப்பொழுது நினைத்துப் போகும் நம்
கண்களுக்கே கண்ணீர் நிற்கவில்லை
கணப்பொழுதுகூட மறக்காத நெஞ்சங்களுக்கு?
கண்ணீர் வற்றி இதயமே வறண்டிருக்கும்.

செய்தி என்பது
நாலுபுறமிருந்தும் வேண்டியதுதான்
ஆனால் மனிதர்களை
நாராய்க் கிழித்துப்போட்டு வரவேண்டுமா?

ஸ்ரீரங்கமோ கும்பகோணமோ
ஸ்ரீநகரோ நாகையோ
இயற்கை அன்னை மனம்வைத்து
இனியாவது இரக்கம் காட்டட்டும்.

தில்லியோ திருநெல்வேலியோ
பீகாரோ பீளமேடோ
மனித மனங்கள் மனம்திருந்தி
வன்முறையை மறுதலிக்கட்டும்.

கடந்த காலங்களின் கறுப்பு தினங்களுக்கு
அஞ்சலியோடு விடைகொடுத்துவிட்டு
வரப்போகும் புத்தாண்டு
இருண்ட இதயங்களில் ஒளிஏற்றட்டும்.